|
مـــــــــــــیناء القـــــــــوافی محمدابوعمارالحزباوي
| ||
|
قـُبَل مــــن التـرف طلبـــیت وهـــوا قِـبَل وابیــوم بسته ارتعـــش وهـــوا قـَبـِل لااحب واعرف الشوگ وهــوا قِـبَل صـــوبی اونثــرحَب حُب علیه
وَرَدحــینه الرسول اووصل عــتبای ورد صوب الخلیل اوأخــذ عــتبای ورد شلت اوهوی المحبوب عــتبای اوگطعـــــت ابلــــیل للـغالی عـــلیه
بَعَـــد عــــنی الخلیل اوقهــــرخـــله بـِعَـــد ماینحصی اوبلــــروح خـــله بعـــد ماظـــن دلـیلی اینـــول خـــله المشــه اونارالحشه ابهجــره سریه
محمدابوعمارالحزباوی الملصقات: الابوذیه المرکبه [ 2013/2/17 ] [ 19 ] [ ]
لاتتــــــعذر ***** رد لاتگرب لاتتعذّر ماريد اعذارك لونار افراگك ما ريدك بيَّ اضرم نارك آنَا الذبت ابعطشك ماي وْلجلك بالحَر صرت افياي وبين ارموشي ابلهفة وشوگ امشيدلك دارك رد لاتگرب لاتتعذّر ماريد اعذارك ***** هِمْت اوياك وعفت الديرة وتارك جيراني تالي اتصّبِّح ويَّ الغير وتشمت عدواني خِنت العِشرة ابشربة ماي وْ وَيَّ العاذل رايح جاي وتريد اقبل تگعد يمّي وبالحُب نتشارك؟ رد لاتگرب لاتتعذّر ماريد اعذارك ***** آنَا الأشتل وردة حُبّي ابساحة بستانك وانتَ التگطع عنها الماي ابزلّات السانك ردّة فعلك مو عالبال من انهاك مْن العذّال وتعاندني وتگعد يمهم وتبيع اسرارك رد لاتگرب لاتتعذّر ماريد اعذارك ***** لَـ تْحاول لا لاتتعذّب حاول تنساني اشما تفتر ابدورة گلبي ابعكسك تلگاني يالما عندك كلمة وراي لَـ تظّن اقبل تمشي اوياي ماريدن وصلك لاريدك لاريد اخبارك رد لاتگرب لاتتعذّر ماريد اعذارك محمد ابــــوعـــمار الحـــزباوي 2010م
الملصقات: غنائيات [ 2013/2/16 ] [ 17 ] [ ]
رزق الضنه **** الله یاکــــلمة یُــــــبه ابحلگ الطفل تشفی المرض واتعافی امن اسمعها ماحس ابّردحتلـــوبــرد بِچّله احـــــــسّن دافی بطفالی ماحِــــس ابفــقرچنی ملک حتلـوعـــریت اوحافی لوشرغـدابحظنی الطفل چن الگمرنام اعله حظنی اوغافی اولو یشرگ ابنوره الصبح یلفی اوأحـس بلبل یغــردلافی اومن یلعب اگبالی ابمرح هاذاالذی ایطیب الجرح وایشافی والعب واحــس آنه الإبن وهوا الإبـوابجَوالحنان الصافی أرکــض ورا مثـل الطفــل ماکِـل وامِـــل لمّن یصیّح کافی اومن یبتسم مثل الورد وهــوا الورد یجبرنی ارد لوجافی انشگ عبیره ابچم نفس واردوداشبگه اویصعداعله اچتافی اشکــــرالهی الصوّره اوماخله بیتی ابـــلا نجوم اوطافی اعــظم رزق رزق الضنه والمایحب یُــرزَق طفل متعافی ***** محمدابــوعمارالحــــزباوی الملصقات: القصائد [ 2013/2/15 ] [ 12 ] [ ]
هـلی ابمـــوگــدعِـلِم خدرت دَلَـَـلهم اوعــثگ نـــورابسمـا العالی دللهم هــلی طاهه ابـدَلــوالرَّحـــمه دللهم اوسگاهم بل گحـط عــذب الشّراب === هلی بیــــر الـــوفه الناشـف یَمِلهم اوچـذ ب مـن گال صاحبهم یمِلهم هــلی مایبـــرک ابـــزیـــنه یمَلهم اومنایـــرطیبهـــم عِــلـو السّحاب === هلی کعــبة کـــــرم تــنحج طفلهم اوطـَــرَب لضّیف بگماطـه طفلهم هـلی ما مــــوگـد ابظــلمه طفلهم قــُــراهم شاهــداوعـــزف الرّباب === رفاق الچنت احـس روحی خَیلهُم اوتـــدوس اعـدای بلحومه خیلهُم مِشـَـــووالبـــین خـــــلانی خیلهَم اورفــگــتی اخـلافهم آه اوعــذاب === محمدابوعمارالحزباوی
الملصقات: العتاب [ 2013/2/13 ] [ 16 ] [ ]
ابشواطی الکـوت امس عندی بلمکان اولگیت الیــــوم بـــس ذکــرا بلمکان شـفــــت بــــــــــلام سألیــــته بلمکان تـِـــوصَلنی الشــــواطی العامـــــریه؟ === زجـــــرنی اوگال ظــل محــتاربلمــاک اودِحِــس طعــم المـرار الصاربلمــاک سهیت انته اوغــفیت اوضاع بلمــاک إذاً تســـتاهـــــــــل اتــــظـــل ابــأذیـــه === ابـــــزجـرته المای عــلگم صاربلمای اوشِمَت کلمن یضدنی اوعــرف بلمای گلـــت وسفه اودِفـَــرت ابـــزود بلمای اوعِــــمِت لمّــــــن وصلت العامـــریه محمد ابوعمارالحزباوی الملصقات: الأبوذیه [ 2013/2/9 ] [ 0 ] [ ]
الـدُّعـــاءُ کـَل إنـاء فیــهِ دَواءٌ لِکـُلِّ داء وَیــوقِیَ النـَّفسُ مِــــن کُلِّ بَـــلاء محمدالحزباوی ابوعمار الملصقات: الحکم [ 2013/2/8 ] [ 0 ] [ ]
مَـــــن سَألَ مـِنَ الکَــــریـــم تجَنـَّبَ مِنـَّـة اللـَّـئیم محمدالحزباوی ابوعمار الملصقات: الحکم [ 2013/2/7 ] [ 23 ] [ ]
هوسات یاولف فصلونه گــوّه اوســدّو ابـواب السـلام اوحرّموشوفک علیه اوعینی بطیوفک تـــنام عمـــری بلتسعین وانطر نرجع الذاک الغرام وتباهه ابطولک یا هیبه === گلبی مجنون ابهواک او ما یحب واحـد سواک اوجسمی مشلول ابجفاک اوینتظریوصل دواک عینی ظمیانه اللقـاک اوتِربی الجّــربة هــواک نص قطره ابشوفک تروینی === انته وردة شوگ عطـــرک مندمج ويّه الهوا ونته شمعة طيب للکل تحـترگ تشعل ضوا انته للمجـــــروح مـــرهم وانته للعــــله دوا كل عـــله ابشوفک تدّاوه === اشلون ما اسأل ودوروانـته لجــــروحی دوا اشلون ما شوفک واعاین وانته لعیونی ضوا اختنگ لحظه امنعـــوفک انته نسمات الهوا ونته الدّم تجری ابشریانی === موعشگ عبله اویه عنترموعشگ لیلی اویه قیس اکبراواعــظم هــوانه وادهه مــن یحــیی اولمیس اشلون اوصّفلک حنانی اوشوگی الک وشلون اقیس کطیرالعاشگ جنحانه === مني راحت روحي طارت علحبايب دورت شافت الخل شوگه ينتل يمه طاحت من هوت ابشوگه سكرت يمه سهرت عني غفلت ولتهت وابجسم الخل سكنت روحي ===
احنه بلوحده انتغـــزَّل نسلک ادروب الغــــرام اونسکرابخمرالمحــبه اوننتعش مــــن الـــوئام نلتقی ابحی الصداقه اونهــــدم اســــوارالظلام نغرس ورده ابکل دربونه === اتحده یالیل اعله کیفک ضدنه حیل اعلن خصام صیــر هــندس ظلمه کلش واحنه نتحدّه الظــلام ایدرِّع اثیابک ضـوانه والنه جــــولات الخـــتام وتظـّل ترجف من طارینه === محمدابوعمارالحزباوی الملصقات: الهوسات [ 2013/2/6 ] [ 15 ] [ ]
ابیات هات إن ظـَنـَنتم نـَحــنُ نـركــع نحـــنو مِن حـملـِ حــبّة مَجــــدِ خِـبـتـُم نحـنُ مـَـن هَـل عَـــرَفــتـُم ياسُــكـارا نحـنُ مَــن؟ نـحــنُ سَــيلٌ جـــارفٌ عالظـُّــلــمِ آت === ابگــدحــيا تي وكــتي الهــــم چايـــله اوخــــدَّرابمــوگـــد عـــذابـی چايـــله ابهــمّی لومـرناعــي يــوسف چايـــله اوخانه صبــره اوماقـــنع بلمعجــزات === گمت اگـن بجفاک یــدعــج بحله گــن والثــکاله ابصــوتی لجلک بـح لگــن اعیــونی یلغالی الطــریقک بحـلگــن وآنه طایــح عـلــدرب وســط الشمات === ازداد بــیه الشـــوگ لجــلک ونـتـقـل اوحـبک اتحـــــول لـِغــیـری ونـتـقـل گـتلک آســف لوجـــرحــتک ونـتـقـل الفات مــات اوردعــلی بعیـونی بــات === اهــلال عـمـری اشماله مسرع منيهل اوخـله دمــعی ايچــوّی الخــد منـيهل وكــتي ريــت ايعــود يـــرجع منـيهل ولعـب ابتـــل ديــرتي المنصــوريات === شبچـــت الهــم حـولي دايـــم منصـبه اودمعي نار اويچــوی الخـــد منصـبه ماشـــفـــت راحـــه ابحـــياتي منصـبه اوعمری خلص بس عذاب اوبرده فات === ابگلبي راية شـــوگ تخــفج منـــشره وادري مـــن باع ابمحـبـــتي منشــره ما ارافــــگ دونـــي يـــنعد منشـــره الرّاح والرّد يجـــرح الخـل ماله ذات === طبعــي ويّه الــزين اسيــرن لويســر اوما أنشــده ادروبه وعـــره لويســر سبحـه اصیر ايــريد كهـرب لويســر ايفــرني ياصوب اليحـب بلمعضلات === ربــنــه عــلگ حـُــبه للكــل لافـــته اولاشيـــوخ اتغـــيره تگـــدرلافـــته لاحُــــسامــاً الـّـا ســــيـفــــه لافـــته الـّـا حـــــيدر ذاک المــرعب الطغاة === خصمي قاضي اوحكمه جاير ياعلي لبنه يدخـــر وبني يصــرخ ياع لـَی اگــعـــد او شــوف العـــداله ياعلي انذبحــت ابسيف الخوارج ولغــزاة
محمدابوعمارالحزباوی الملصقات: الهات [ 2013/2/5 ] [ 19 ] [ ]
ابیات میجنه یلمشـــیت ارجــوک عـایــن یابـلد صوبی واخـبرنی ابوجهتک یابـلد تــوّه ماشــی اووالی وجـهی یابـلد اشحال لـومرت علی اغیابک سنه *** حـــدّواســیوف العـــواذل وَلســنه اوشلهبـونی ابنارهجــرک ولســنه کـَـل سنه اللحظه ابغیابک ولســنه اویاک احسّن لحظه تمرگ موسـنه *** جَمُــرحقــده العاذل ابحُـب وجّــهه اوچــبدتی ابموگــدغـیابک وجــهه ماگـدرت اعـرف مسیرک وجــهه اوهـامت الـروح ابجفاک امسودنه *** محمدابوعمارالحزباوی الملصقات: المیـجنه [ 2013/2/5 ] [ 15 ] [ ]
انته نور یامحب رادونی اوصفک ظنو العذال بوصافک یخل بیه الشـّعور مادرو حته القریحه المیته من ینجاب اسمک تشرگ اللحد اوتثور اومادروبیک الحیاة اتعود ترجع حته لصحاب القبور اومادرو کل المشاعر بیک تسّودن تهیج اوتبحر ابکل البحور وآنه من رادونی اوصفک جاشت ابروحی القریحه ابکل غرور اوحضـّرت قلمی اوورگتی اوقلمی گام ایبوس بشفاف السّطور واول اوصافک حبیبی انته نور انته شمعه اوحبک اتجسده الفراشه اوتشتعل لجل الحبیب اوبلعشگ دایم تنور انته ریحان البساتین الجمیله انته خل عطـّرخلیله امن احترگ مثل البخور وانته عطر الشـّوگ کله السّاکن ابگلب الزّهور انته مای العاشگ الگاع اوبذرها اوکل أرض دونک تبور اولوشفت حاجز یمنعک عن حبیبک تصعدابصورة بخار اوبسّما اغیوم اوتدور اومن تشوف ابذورمیته، تنهمل مثل الدّموع اوتنزل اتنعش البذور انته قطرات النده المثل البلور اولو شفت زعلت وردتک تنزل الها اتبوسهه ابوکت السّحور انته ضفتین النهر حبک وصلها، اوللحبایب تجعل اضلوعک جسور انته حارس تنطر اعشوش النـّوارس، انته محصول المدابس انته دبس البتـّــمور انته بسمه ابشفـّة اطفال المدارس، انته سالوفة مجالس تنحچی ابکل العصور انته وگده ابموگد النـّشمی الکـــریم اودلـّـته ابحضنک تفـــور انته قمة جبل عالی اوعله امتونک حامل اوکار الصّگور انته بیت الطـّین گلبک، یجذب الخطـّاف حبک کل سنه ابّیتک یزور انته جنحان الحمامه،انته دمعات الیتامه الفطرت گلب الغیور انته لضّایع علامه، انته لصّایم غمامه اوتمطر ابوکت الفطور انته فکره ابذهن شاعر یملک احساس اوشعور انته بلبل غرد ابروض المحبه، توصل السّمع الحبیب اوتشتل ابگلبه السّرور انته قطرات الغرام الوصلت الگلب الصّخور انته نهر الفر نواعیر المحبه وانته محور کل نواعیر التـّدور انته مرسال المحبه المُرسل ابجنح الطـّــیور انته مهما اتغیب ترجع، بــین فتره اوفتره تظهرتبرز اوتعلن حضور انته موعود الخلیج الضـّــاگت الحلقه ابرگبته اوینتظرمنک ظهور انته حبک ساکن ابلب الغیاره اوموگد العذال هافت مایمس حته القشور مـــحمدابوعمارالحزباوی الملصقات: القصائد [ 2013/2/4 ] [ 6 ] [ ]
یابواعیون یا بـوعـیون تــرمـی اسهـام کتـاله البسها مک وگـع تدّهــوراحــواله المن لحظک هوه مــا حــصّــل دوه مرمی اعله الأرض بس الله یبراله === یابـوارمـوش چـنها اسیوف ذبّاحه یلــوجــهک گمــروامنوِّر السّاحه یا ریــم الفـلـــه مثلک ماحــــله یا شگـــرة غـــرام ابغیــرخــیالـه === یا بـواخـدود حلـــوه اتگول تفاحه من تمشی اترهدن تمشی ابـراحه تسحگ بــل گـلب موش اعله الدرب لوسل المحب من حسنک اسلاله === یا نجمة صبح للما غـــفت عــینه وایتانی الفجــرواتعدّت اســنیــنه یا نجـمة فجــــر چــا یمته تمــــر وتضحک الیون وتبچـــّی عذاله محمدابـــوعمارالحزباوی
الملصقات: غنائيات [ 2013/2/3 ] [ 23 ] [ ]
کلمة حگ یبنی اقترب صوبی استمع کلمة حگ ابدرب الــزلگ بالـک ولک لاتـزلگ === کلمن مشه ابـدرب الوعِـــرهــم ینکب والماشــی بــدروب العــدل ما یتعــب الماسب إخـــواویاراوربـــع ماینــسب والطگ غـــدرمهماحَـذِرهــم ینطــگ === المایحــسب احساب الـــزلم ماینــعــد والمجّــــدالماجــــد یظـــل یـتــمجـــد الـــزین البگه ابقــــیدالکرم یــتقــــید اینشله الکریم ابیَم عسرمـن یغـــرگ === اینشلــه الکـــریم الماگــطع بلعایــــز یفتــح طـریقه اویعــبر امنـل حاجـــز المتأسرابقـــید الفشـــــل ظـل عاجـــز مایحـــرزالفــوزاویظـــل مایـــلحـگ === مایلحـــگ الیغــلب یظـــن مایُغــلـَب سالفـــته مثل الـــرگ تظـل والأرنب ابیـــوم الذی اغــتراوخــسربلــملعـب ظــل ابغروره اوبس خــمل فازالرگ === الیمشــی ابغـــرور اومایصد جــدامه اجدامه ابصخردرب الــوکت صــدامه یفـــتریظـــل مثــل الصفــه ابــدوامه اوبیــن السما اوبــین الأرض یتعلگ === یتعــــلگ الیلچــــم جــــرح خـــِوّانه یخســــرعـــمامه اویفـتقـــد خــــلانه الگص شجــرة اخـوان اوربع بلسانه عاری بگه ابظهـرالحمــریتمشـــرگ === یتمشرگ ابصیف الــوکـت وسمومـه الیجــرح خَـــویّه اوما یعنــزگـــومـه الیـلبس لبــس لا یفـتخــــربهـــدومـه هــم تعــتگ اومــن اللـَّمِس تشـّگـگ === الزلمه ابفعـل مـوش ابلِـبس عنــوانه اوما یگــدرایلِـــم الأهــل بــل عــانه الـزیـن الـیـلِم گـــوم اوربـــع بلسانـه کلماته مـرهم عـل جـرح من تلصگ === کــلماتـه طِــبّه المـا یخـــل ابنـاســه والهُــم یظــل دایــم یهیـج احساســه الیبنی ابــرمــل ساسه ایتـهدم ساسـه والگاعه صلبه امنل مطر مایـرهگ === مایـــرهگ الماغــث بشــربل کـلمه اوبمـــواصل الناس ایـتحقـق حــلمه والعالـِم الماجَـــل مقــامــه اوعــلمه یغلـــط واذاضکه الـــوکت یتمــلگ === الیغلط عـلی الناس ابُّطــل وایعَـربد یـتـنـززابنــومــه اویفــزمن یــرگِـد الیزرع حقد حــتما ً حقـدهـم یحصد وابمــوگد افعالــه یظــل یتحــــرگ === هذاالحچی امجرب حِدَث مابی شک والدنیه دین اوکل عمل هک ابهک حمدابشکرسب ابشــتم فـک الفـک والکـل فعــل ردة فعل طـگ ابطگ محــمدابــوعـــمارالحـــزباوی
الملصقات: القصائد [ 2013/2/2 ] [ 2 ] [ ]
ابیات مهداوی
یاقیس اوصیک ابهلی اوربعـی الصـدگ ودونی الیرونی من وحـل الأسه اوصوب السعــدودونی عـــوف الیذم گــومه اوهـله اوربعه الغبرودونی اوصاحب غیورالبی وفه اوعلخل یضل غیراوی ====== درع العـرب نبقی اونحـد سیف الغضب ونسنه احـنه اونعـد طعــن الیضد یـوم الحـرب ونسنه تاریخِـــــنه الهـِمــلنه صفحــــات الامــم ونسنه ابمکـــتبة الانصارانحفـظ وابمتحـف المهداوی ====== یاحلـــــوه یل خـــدچ گمــرطلــتچ علی چایمته گــدما ظلم لیلی اوبــرد ضلعی حــطب چایمته حنـّی عـله العایف هـله اوهـیله اوتـَرَک چایمته وابموگـد اگلیـبه خِــدَرچـای العشگ سکــتاوی محمدابوعمارالحزباوی الملصقات: المهداوی [ 2013/2/1 ] [ 1 ] [ ]
میــمرغــزل عاشــگ صبـح هذاالگــلب مَــن یهوا؟ یهــواالحبـیب الـکل شـخص مُنیه اهوا حــب مادره ابکلمن یـــــحب مِنـــیهوا مـاله صــــدیق الیـــــسنده من یعــــثر ==== یاحــــورالمصــــورک بشــرسبـــحانه روحی ابَّحَــرحسنک غــدت سبحـــانه فـرنی ابعشگ بیدک صرت سبحـــانه اتهــده عَلی لاانـــگـــــطع وطـّــشـّــر ==== يـل بـل حِســِن حـته الحِسِـن حلـــيته ولـــرّيــجه حنـــظل بللــُّـمه حلـــــيته اتمـــوتني لوشـعـرک ســرح حلــــيته چــــنه حـــريراعله المــتن ومســــطر ==== یل تسبح ابگـــــوش البحــروبـــــراگه حسنک سبب خــوف البـشروبـــــراگه سـنک لمع یـــوم اضحکـت وبــــراگه وَدَّراعــیونی اوبلرّمــل گمـت اعــــثر ==== ياريــم الک گــــلبي یــــرف منتــــمر ورياگــي تحـلي ابشـــوفــتک منتــمر امــرک فــرض واجــب علي منتـــمر اوکـلشي اتريده ابسرعه الک یـتوفـر ==== یاتــرف جسمـــک بضّــــبط کنــــحله بس خصرک الفت چـــبدتی کنـه احله طــحت ابطــریقک منتــــظرکنــــحله الغــایب ضـــناهه اوعلــدرب تتـــنطر ==== حبــک نتــل گلـــبی نتــل یــــربــتــه اوروحـی رضـاک ابکــل شکل یربته وصفـک طبــیب الحُـب إذاً یـربـــــته واوصف دوه البمحبـتک گلـبه انطــر ==== صـوبک همـت لجلک عــفـت بستاني وصـــرخ ولک رَحـمه الهلک بستاني أذکـــــریخـــل خــدک گـــــبل بستاني اومُدمِـن صرت خـدک خمـربي یشگر ==== ياريـــم المفــــــتح ورد وجـــــــناتک روح الحـــوتک فايــــزه وجـــــناتک ذنبــک صبتني ابنظرتک وجــــناتک کتـليـتني ابضحکه اوعفـتني امگنطر ==== عـــینی ابغـــیابگ عــلدرب مــــربیه اوفَمّی یحــس حـــته العــسل مـــربیه رج یاتــــرف حـن مــن علی مـــربیه اوخل یحله ریجی المن جـفاک امّـرمر ==== عـود الخـلگ زاهی اوخضربسعـودی بلـحب ذبــل وتعَـــثرت بسعـــــــودی یاحـلوه یـل ریـجـچ عـــذب بسعــودی وسگی وترگـلبی الــذبل خَـل یـِخـضَر ==== ایســـودن جمالک من تمــرمـــن یمنه مانعـــرف الـــیسرا نظـــل مـــن یمنه کلمن یشـــبگک یاتـــــرف مـــن یمنه ینسه حیاته ابشبگـتک مـن یسکـــر ==== اریام المشــن بیـــنه اثــــرن وجّـــنه ابنــارالعــشگ مثـل الحطب وجـــنه یمهن نحــس عـــدنه السّعَــدوجـــنه اومــن یجفـن انظـل ابجهــنم نسعــر ==== احبابی ابزهوروض العـشگ مَنمَوشی وآنه ازرعت مَن وِد گـلت من موشی خضّـرهـواهُم بس حِسـچ من مـوشی اچفـوفی اندِمَـن والحُب یبس ماخضّر ==== خل العشت شـــــوگ العـمربســماره هـدنی اونبت تحـت الضِّـلِع بســماره یاطارش امشـــــیله ابعجل بســـماره اوخبـره ارداشـوفه اوگله خلک غرغر ==== قصـرالهواابــوسط الگــلب لایمـــــته حـــــیث الیحب کل الخـلگ لایمــــته کافی عشگ ابگه احــترگ لایمـــــته اودوم ابیَمُــــرنـارالغـــرام امـــــوَیَـر ==== محـــمدابــوعــمارالحـــزباوی
الملصقات: الميمر [ 2013/1/29 ] [ 18 ] [ ]
القلعه یاعـــــــربی افــــــخربهل القــــلعه بــــــیهه اتــــرحــب بیک الـــربعه بــــــیهه النـشمی التـــجبل صـــوبه یعــــــلگ روحــه ابدال الشـّـــمعه *** بـــــیهه الــیارالیـــــــــــحزن یــاره ایـــــواسی الیارایـــــزیح اکــــداره ایفــــــــرِّح گـــلبه اویـِـخمـــــدناره ابطیــــبه اوالـــفه اووحده اوجَـمعه *** بـــــیهه اکحـــــیله التلــــبس شـــیله عطـــــفه اتصــــیرابـوکت العــــیله بـــــیهه الأشـــمَل بعــــده ابحــــیله ابحــــچیه او فـــعله اتسـولف ربـعه *** بــــیهه الطـّـــــیِّب مایـــــنســــــونه ویحـــــبونه ابـّـــــــین اعــــــــیونه لو مات ابطــــــیب ایــــــــــذکرونه ولکل تحــــــچی ابطـــیبه اونفــــعه *** الهّــــسه اوداعـــــه اویا نتـــــــلاگه اونِســــــمَع حچـــــــیه البلمــشراگه گــــــــزرهاابصـــــــره اوعــــلاگه اوخالـدظـل ابطـــــــیبة طبـــــــــعه *** عامــــــــربـــیهه الگـــلبه اکـــــتابه اویـــدری العــــربی امنـــین انسـابه فاتـــــــح بابه الکــــــل احــــــــبابه اوکلنه انـــــقدره اوشــوره انسمــعه *** فاضـــل بـــــیهه الفایـــــــردمّــــــه اوعــادَل هـــــمه ابــــــتل اوقِــــمّه الخاطــــــــربــنت النـِّحبت یـَـــــمَّه اتحـــــشم النـــشمی اوتــذرف دمعه *** بـــــیهه الشــاب الیـــــذکـرناســــــه یــــرفـــع راســه اویشـــــتد باســـه وبگـــــاع الحــــــب یشــــتل یاســه اویــــزرع کلــــــمه اتخــــضرنبعه *** بــــــیهه الیـــــــدرس فاهـــم درسـه اوشامــــخ ظــــل ابــــعزة نفـــــسه بـــیهه الحــــب اعــــیون اتحـــرسه اوشـــوک البُغضه اچفــــوف اتقِلـعه *** بــــــیهه الضّـــیف ایظــل علهامـــه اوبـــــــیهه ایحـــــقق کل احــــلامه یلگه الطـّـــیب اتــــــرف اعــــلامه اویفـــــرح گلـــبه ایرگص ضــــلعه *** یفــــــرح گلـبه اویعــــزف کــــــیفه ابــــراعی البـــیت السّامــــر ضـیفه یلگه الشعـــــبی امــــــوشرســــــیفه اویلگه الجّـادابـــــــحورالســــــــبعه *** یلگه الکـــــــل اینـــــــظم اشعـــاره اویلگه االهـــــــوسات الجـــــــــباره یلگه المــــــــیمریلــــــگه انـــصاره اویلــــــگه ابــــداع الکل اتـــــبدعه *** یلگه ابـــــداع ابـــوصف السـّــــمره ایخلـّی السـّــــمره اتضّوی الگــمره اویلگه ابـــــداع ایـــــرگص التـّمره ایخلی النـــــخله اتــــبوس الطلـــعه *** القلـــــــعه الـــچان امعـــــنزبــــیهه گلـــــبه ایـــــرفرف مـن طاریــــهه مـــن یبــــــعدروحه اتـــــردلیـــــهه اوگلـــــــبه ایعــــته اوالهه ایرجـعه *** بیـــهه اوبــــیهه اهـــــوای البــــیهه اووصـفی احـــــــتاراومایکــــــفیهه اشــــماارداکـــــــــتب مــااوفــــــیهه هـِــــیّه انشـــــــوده اوهای الطـّــلعه یاعـــــــربی افــــــخربهل القــــلعه
مــــــــــــحمّدالحـــــزباوی ابوعمّـــــار الملصقات: القصائد [ 2013/1/27 ] [ 13 ] [ ]
اللّمّازون إنَّ ٱلتَّــعَـجُّــــلَ بـِٱلنُّـطـْــــقِ دٰاءُ وَٱلتَّــأنّی لِلْـــعَجـولِ شِـــــــــفٰاءُ وَأمََّا ٱللـَّمــــــــزُدٰاء ٱلمُهْـــلَکینا وَلـَیْـــــسَ لـِلـَّمـّٰازیـــــــــنَ دَوٰاءُ ==== محمدابوعمارالحزباوی الملصقات: الحکم [ 2013/1/26 ] [ 18 ] [ ]
الوصــــــــــــــــیّه اســتـمع یــبنی الوصـیتی اللا ّفــــیه گمت احس عمری الشّمس بی طافیه *** اگـــعد اگبالی ابعشـــگ مابی قیــود وستـــمع حچـیی ابذهـن ماله حــدود افــــتح اکـتاب الدّلیـــل ابکل وجـود وکتب اکـــلمی ابجـناس اوقــافـــــیه *** یـبنی اریدک تنتــفض وکــت الأذان اوتــذکر الله ابکل وکت وبکل مچان لـــون راید تنـــجح ابکـــل امتــحان خـــلی نیــــتک ویّه ربک صافــــیه *** اشـکرالله اولوشـفت وکــتک عسـیر لاتــظل ابشـــبچ معصاتک اسیـــــر اولون تطــلب حاجه من رب القـدیر اقتـــــنع لمـــــــن نطاک العافــــــیه *** الله من عافاک من کلـــشی غــــناک ولنــکرعافـــــیته یســتاهل هــــلاک اســـندابقـــــوتک اخـوضاعف لفاک اولاتــگله ازنـودی الک مــوکافـــیه *** لاتِـردمِحـــــتاج ویعِـــدَََّک وضــــیع اولاتعوف اعضاک تالیـتک تضــیع صــیرمــــوگد بلـبرد دفی الجمــــیع وحـــترگ بـس کون ناسک دافــــیه *** فک اِذانک وِســـتِمع چلمات ابـوک حب صدیقک زوریارک جِل اخوک اولون عــدوان ابعذرللبـــیت اجوک لاتگــــــــعد احقــادچـانت غافــــــیه *** یبنی لوللحب ردت تصــبح رســول اولوردت کلماتک اتــلاگی القبــــول اتـــذوّق الکلـــمه گبل لاشَی تگـول وحـچیّ الطـّــــیبة مــذاق اوشافـــیه *** یــبنی دوراعله الأهـــل مثل النـَّحَل اولِم شَهَـــد کلمن ورد وصنع عــسل کلـــمه حلوه اترضّی المنک زعــل اوکــلمه مُرّه اتـخلی ناسـک جافـــیه *** لوفـَــردقرصة خُـــبزمابیـــن ادیـک انطـــیهه للمحتاج مِن یجــبل علیک لاترک عزم الیگــصدک ینتـــخیک اوخلی روحــک للیگصدک وافــــیه *** لون روحک أسمَه من طـیر الیطـیر لولهب بـــدروبک اتکــمل المـــسیر وعلم اجــدام المشت مگصدهه خـیر ما تمـــــسهه النــّارحتـــــلوحافــــیه *** محمدابوعــــمارالحزباوی الملصقات: القصائد [ 2013/1/24 ] [ 15 ] [ ]
أنت تقول 3+7=10 محمدابوعمارالحزباوي الملصقات: الحکم [ 2013/1/24 ] [ 12 ] [ ]
الملصقات: القــصائـد [ 2013/1/23 ] [ 23 ] [ ]
الملصقات: الأبوذیه [ 2013/1/23 ] [ 17 ] [ ]
الرجاء من صاحب العطاء
یاإلٰهـــي الماتــــــرد سائـل نصاك یامجــیب الــداعي ابــوکت الــدعاء
یاعظـــیم المنـــزله وجـــل عـلاك رافع اچفوفي وطلب عندي ورجاء
یاکـــــریم الـــیوم طمـعان ابسخاك انتَ راعی الجود رمـــزاهل السخاء
یامغـیث الأرض مـن نعــمة سماك ومن تــــبوراتغـــیثها ابماء السماء
ماأریــــدن مال بـــس راید رضاك ورایــد الیــوم الحــشر تمـلي الإناء
یاطبـــیب الکل مـرض یرهم دواك داوي کلمن نافَـــق ومـرضه الرّیاء
یاغــفور التغـــفر اذنـــوب الدعاك اغـــفراذنــــوبي وعَلَي خـف البلاء
یاإلٰهی ارشـــدنی بالظـــلمه ابهداك حــتى اســـیرابمنــهج ایشــع ابضیاء
ربي الـــوذن بیك خلـــیني ابحماك احمـیني من ابلیس ناصبلي العداء
یاجلــــیل الخالــــد ودایــــــم بـقاك لاتخلــــیني التـــهي ابـــدار الفـــناء
یارحــــیم امـــــن البرد لفني ابعباك لاتخلــــیني ابطـرگ جلـــدي ابعراء
یاودود امن الشمـــس رایــد ذراك طامع ابجــودك عـلَي صیف وشتاء
یارؤوف ارحمــــني من ایحـــل لقاك ومن تحـــین الساعه جنــبني السناء
انــتَ مــولى المؤمن وربّ العصاك وربّ الافلاك وملك أرض وسماء
یاإلٰهی ماأشك لحــــظه ابــــذکاك یاعلــــیم الخالـــق الکـــون ابـــذکاء
یا إلٰهِ الواحـــد ومامـــن ســـــواك آنه مــن اهل الشــرِك عـــالن بــراء
یامجیب الماتـــرد عایـــز حــــشاك احشرني وَیَّ المصطفی ابـــیوم اللقاء
*******
محـــمدابوعمارالحزباوي
الملصقات: القصائد [ 2013/1/22 ] [ 19 ] [ ]
|
||
