|
مـــــــــــــیناء القـــــــــوافی محمدابوعمارالحزباوي
| ||
|
هَزني الحنان وهمِت گاطع فيافي وبيد ماخذني صوبك وَلَهْ والشوگ بيّه ايزيد
طاعنّي حبّك و الك وحدك ترِفِّ الروح آتيك كلماحبل شوگك يلفِّ الجيد
فَرني الهيام وإلك طائع صرِت مولاي مُرني وتدلّل عَلَي واحكم عليَّ وسِيد
حالِك بدونك يظل موحش طريقي وليل مُرياضياء المُقَل رِد رِد بهاء العيد
ماذيني صوت العَذِل يشبَهْ نعيب اغراب دِگ صوبي نغمة وصل واطربني ياغِرِّيد
ك.محمدابوعمارالحزباوي 2017/10/21
الملصقات: مقطوعات, بحرالبسيط [ 2018/3/19 ] [ 13 ] [ ]
فتّ الفؤادالهجروابروحي شوگك داي آه ويحزّ الألم بعظامي مثل السيف
طال الغياب وعلَي كل لحظه بعدك عام مقبل علَيّ الشّتَاوخلصت شهورالصيف
هدني النَّوَى وحرگتك بحشاي تلهب نار مطروح تترك ولف مجروح ينزف كيف؟
حالي ابصدودك غدت مثل ام ولد معلول ماغمّضيت الجفن وابصدري جرحك ضيف
مشبوگه ادَي والجدم مشلول من فرگاك داويني مرني ابعجل مُر لوخيال وطيف
ك.محمدابوعمارالحزباوي 2017/10/18
الملصقات: مقطوعات, بحرالبسيط [ 2018/3/19 ] [ 12 ] [ ]
الظهري مثل الگوس بالحب مَعْوِلَه
وبِالحنايَا ابشوگ نابت مِعوَله
هدني تالي وروحي ظلّت مُعْوِلَه
مثل ثكلَى الفارگت ريع الحياة
الگلبي مثل النّوگ واكثر حَنِّلَه
جسمي كالعرجون*من صدحَنَّلَه
آاه دمّي السّال لورَد حِنَّلَه
وروحي قربان العيونه المُسْكِرات
2018/2/26م
*العرجون=العسگه الملصقات: الهات [ 2018/3/19 ] [ 12 ] [ ]
الوحده بالشوگ الفؤادي بسمله حسنه آيه وشوفه يلزم بسمله آخ بويه اعيونه تكتل بسمله تحيي موتى اعظامهم متْفسّخات
ك.محمدابوعمارالحزباوي 2018/2/25م
الملصقات: الهات [ 2018/3/19 ] [ 12 ] [ ]
الشعب لوفضّل الدوني على العال
يذل ومايرد عيله على العال
الدوني اليمتلك سلطه علل عال
شعبه وينخر ابجسم الهويّه
ك.محمدابوعمارالحزباوي
2018م
الملصقات: الأبوذیه [ 2018/3/19 ] [ 12 ] [ ]
يبقى الوِدادُ لِوِدّها يَتَوَدَّدُ وعلى منارةِ طيبها يتردّدُ
مُتَشَعِّبٌ نهرُ الحنانِ بكفّها والحبُّ في نَظَراتها مُتعدّدُ
روضُ المحبةِ زاهرٌ في قلبها والعشقُ من نفحاتها يتجدّدُ
كلُّ الوجودِ رهينةً لوجودها وبدونها كلُّ الوجودِ مُهدّدُ
هيَ رفعةٌ للخاضعينَ لِحُبِّها وكرامةٌ للمُنحنينَ وسُؤْدَدُ
اَلأُمُّ عشقُ العاشقينَ وجنةٌ نبضُ القلوبِ لزهوها يتشدَّدُ
ياليتني طفلاً أعودُ سُويْعةً ولُحَيْظَةً في حُضنها أتمدَّدُ
محمد أبوعمار الحزباوي
2018/3/8 الملصقات: مقطوعات [ 2018/3/19 ] [ 12 ] [ ]
أَمام النّاظرالطّاهرتغَشّين
وجهچ وانْ خطأشافچ تغِشّين
بطبعچ ليش يا(دنيا)تغِشّين
سليم الذّات ابوانفاس الزّكيّه
ك.محمدابوعمارالحزباوي
2018/3/13م
الملصقات: الأبوذیه [ 2018/3/19 ] [ 12 ] [ ]
ابوذيات الناس اجناس
شي شتّت كلام الناس شي لام وشي واسى الذي منكوب شي لام اش مرهم چان حچي الناس شيلام نعمه ويكشف اگلوب البريّه
شي جارح قلمهاالناس شي خاط الجروح وشي يصفي الكدرشي خاط شي كاتب سطرللشوگ شي خاط القلم يعكس ثقافات البريّه
شي دافع محَبَّهْ الناس شي جار المودّه وشي حكم بانصاف شي جار مليك انتَ اشسكنت ابقصرشيجار اذاعندك گلب يهوى البريّه
شي ردعيله عن مظلوم شي عال الناس وشي نصيّة عگل شي عال شي عالي ومعيل الأهل شي عال على اهله ايصيربافعاله الرّديّه
شي مبهم سماه وغيم شي صاح الناس وشي مريض العگل شي صاح شي غض النظرمن طاح شي صاح الحگوالطاح هذا ابن الثّنيّه
شي هام ابودادالناس شي هام ابجهل وابحچيه شي ماهام شي هام شي دوني ويعلّي الهام شي هام لٰكن منحني ابحُبّ البريّه
ك.محمدابوعمارالحزباوي
2018/2/13
الملصقات: الأبوذیه [ 2018/3/19 ] [ 10 ] [ ]
تخط إسمي وتحط اسمك؟ انهجم بيته اشكبراسمك! ولوماترقى كلماتي البريق إسمك!!!! لچنها اتسولف احساسي واذا اكتبها استانس كثرشعرات البراسي لأنها اتسولف افراحي ومعاناتي وتسولف ضحكتي ودمعاتي واحزاني ومسراتي وتسولف عن معانات الأرض واهمومها وهم ياكل ابناسي وعذابات البشرلوينعصرگلبه ابظرف قاسي ولك كلماتي حالاتي اذا بيهن فرح يعني البشرفرحان اذا بيهن حزن يعني الوطن حزنان واذابيهن غضب يعني انفجربركان كلماتي تفاعُل آن معَ المسروروالفرحان مع المهموم و الحزنان مع المغصوب حگه وثارعالطغيان مع احساسات كل إنسان بس يحمل مودّه وطيب للإنسان تظل كلماتي تتفاعل مع العشره مع العصفوروالشجره مع البُستاني لويفنى ابعشگ بستان مع الدله التفوّح هيل لوتغفه ابحضن جمره مع التمّارلويرگص وَتَردلّاله للتّمره مع البلبل اذا يترنم الزهره مع الراعي اليخلي الناي يلهب من لظى انفاسه مع المحبوب لويوصل حبيبه وماگدريتمالك احساسه مع الجندي اليظل سهران حتى اتأمن الديره مع النورس اذا يشتاگ للشاطي مع المخنوگ وايرافس على النسمه مع المجبورعاف الديره واتغرب وتظل ادموعه تتقاطر حنين وشوگ من يسمع رنين العود مع المغصوب حگه وصارمن اهمومه مثل العود مع ابراهيم لوقابل ظلم نمرود تفاعل كلمتي مايخلص ابدفتر ولاديوان لأن احساس بالوجدان لذلك خل الخّصلك تظل كلماتي تتفاعل مع السابق مع اللاحق مع المعشوق و العاشق مع الآخرمع الأول مع الماضي الينوّرظلمة الحالي ويضيئ الدرب للي ايريد يرشدصوب مستقبل رغم كل هذا موشاعرأنا ومااگول الك شاعر لچن شاعر! شاعربالطفل لوضاع عن أُمه وامّه اتحن عليه اتريد حتى امن الهوا اتضّمّه شاعربالعطش لوطرلهاة الگاع شاعربالسفينه الهايمه ومابيها حتى اشراع موبيدي الكلام ايصيرموگدناروايفوّربحور الدم وتظل اجروحي تتلچّم ورغم لچمتها تتبسم وتظل كلماتي تنزل عالورگ نغمه ويظل البلبل ابنغماتي يترنّم وتظل تتراگص النسمه وتغازل غمزه النجمه ولك عمي الكلام احساس مال الناس ليش اتبوگ حسّ الناس... احس طول كلامي اوياك ولوطال الكلام الوادم اتمله لچن موبيدي قلمي ايگوم يكتب وصفه للعلّه اذا شافك مرض مستشري بالمِلّه ورغم ذلك اگلنلك اسمع راح الخّصلك واگلنلك نعم تتوارد الكلمات بعض احيان مثل مابالطعم تتشابه العنبات لكنك خمط تخمط تريداتبوگ عنب الناس والسلّه؟!! اشهالذّله... اذا رايدشعربس گلي واكتبلك واظل بين الخلگ الله اگلنلك واصفگلك لچن ماأرضه واقبلك تخط اسمي تخط اسمي وتحط اسمك؟ انهجم بيته اشكبراسمك!!!!
ك.محمدابوعمارالحزباوي 2018/3/17 الملصقات: القصائد [ 2018/3/18 ] [ 3 ] [ ]
جحيل ونار
انگرص شوگ وگعد فزّزني نصّ الليل يخاطبني الگلب وانَا ادري ماخطبه
مثِل طفل اليِلِيّ يرفسني من ايهيج اشْطَبت منّه الحنين ومانفع شطبه
سحگيته ومردْتّه وعادحن واردود گطّبته ورجع مافاد كل گطبه
تاليها انتصرعمياني سرت اوياه مااسمع نصيحه وموعظه وخطبه
يـَ من ريجك دِبِس مُر،مُرعليك الريج بشفافك رطب وانَا اعشگ الرطبه
مثل طفل ابجحيل امعسِّم وعريان ويشطبني الوَلَهْ كل رَمشه الف شطبه
وعطّابك شعل بالروح الك عطّاب وتعطب بِالگلب من شوطتك عطبه
مشتاگ وإذا احضنك يصيرالشوگ مثل شوگ اللهب لويلزم الحطبه
ك.محمدابوعمارالحزباوي
2018/3/10م
الملصقات: مقطوعات [ 2018/3/10 ] [ 4 ] [ ]
|
||