صباحك نور
صباحك نور والشمس بْهــواها
الك نــزلت تقـدم لـك ضـــواها
بـدروبــك بـلابل غـرّدت شـوگ
وزهـور الحب الك فـوّح شذاها
الك طاب الهوا ونسّملك اشتاگ
ينـاغـم گــذلتـك يـرگص معاها
نزل لخدودك الحلوه الندى يْريد
يداعبـها ويـشـاركـهــا بــنــداها
وشعـاع النورگاصد عينك وجاي
يغــازل نـورها وضـيهـا وسـناها
البسـمه اشتاگت الشفتك يَامَزيون
تــريــد تـنول مـن شفـتك بهاها
الـك دنـيـاك دارت والمـــدارات
تـقـدم لـك بـمـا تـمـلـك يــداها
تبسّم والسعاده بحضنك تطيح
وحـياتك بالهنــا يـرفرف لواها
ك.محمدابوعمارالحزباوي
30/8/2017م
الملصقات:
القصائد