خفَگ دلّالي ابشوگك خذتــني اطیوفك امقیّد

ودُوَت جمراتك ابروحي وبقیت ابحـرگتي اتنهّد

اهیم ابسچة اعیونك واتیه ابوادي نظـراتك 

ویفربـَتِّ الگلُب شوگـك وادورن دورة المـرْوَد 

ارکب موجة اوْهامي وقبِل لاترمش اوصلّك

وَلوْ کان الدّرُب نار وطریقي الوصلك امسدّد

اضُم سِرلوعِتي وحزني وحــرِگْتي وشوطة افراگك 

وَلٰکِن بالعَظُـــم شوگــك جمُرلچعاته ماتبـــرد

یشوفوني الخلَگ اضحك واناامن اتنفّس اتچّوّى

واظــل بفراشي اتلوّى وإلك نيــراني ماتخمـــد

یذللني الهویٰ وأهوی ویطیّرني الوَلَهْ صوبك

عزیزوحبّك ایذلني وأحِسّ ابذلّتك سُؤْدَد

آه اشلــون اوصّفلـك عذابي ونــاري بغْیــابك 

مثـِل أُم موسی من فگدت ضناها وصوبه تتردّد

أخافن وانتَ بعیوني افگْدِك یاضــوى اعیوني 

وبعـدك گلبي یتْفطّــرجفـاف وروحي تــتْمــرّد  

تعـال انخالط الــدّمّ ابشرایـیني وشرایــینك

ونخیـْط المُهْجَه بالمهجه ابجسِم خلّیــنا نتْـــوحّد

حتی انعیش إذا عشنا وسویّه انعدّي کل خطوه 

واذامتـــنا ابفــرِد مــرقد فرِد بحبوحه نــتْمــدّد 

ك.محمدابوعمارالحزباوي

دارمیات 

ــــــــــــــــــــــــــــــــــــــ 

حسنـــــــك یـَ بن کـــــــارون شمــــــس اللیــــــــالي

محنـــــــي الجمـــــــالك ظــــــال جســـــرالهـــلالي 

ــــــــــــــــــــــــــــــــــــــ 

لوتنــــــــــزل الکــــــارون واتفــــــــل گـــصـــیــــــــبـــه 

ابمــــــوج الشَّعَـــــرعَــالنّــــاس تنثــــــرمصــــیــــبـــه 

ــــــــــــــــــــــــــــــــــــــ 

من رَمْـــشِتَــــــك نجمـــــات مبهــــــوره صاحـت 

ومن غمـــــزتـــك عَــــالنّاس طـــــرگاعه طاحت 

ــــــــــــــــــــــــــــــــــــــ 

وجهــــك یَــــ بـــن مَیْــــســـان ضیِّ الْمشـــــــــارق 

حامـــــــــل علی الخدّیـــن کــل صفحه طــارق 

ــــــــــــــــــــــــــــــــــــــ 

حسنـــــك یَــ بن عیــــــــلام تــــــاج الحضــــارات 

نجمـــــــــه انتَ لا بَـــــل لا شمس المـــــــــدارات 

ــــــــــــــــــــــــــــــــــــــ 

ضی انتَ بس اشلون ضی اضوی من ضی

وشی ینـــتل ابعیناك بــــس مـــــــوشِبِـــــهْ شی 

ــــــــــــــــــــــــــــــــــــــ 

ك.محمدابوعمارالحزباوی

سلامي وشوگي واحساسي

ابعجـــل ظنیت اعوفك والمظن خاب

گلـــــــــت لَـــــو اتــرِکَـــك!!بس مانفــــــــــع لَوْ

اشـــوي اشـــوي غـــــرامــك كَسّـــــرالبـــاب 

وهــــــدَم ســــــــــورالـــگـــلب لَـــــوٍّ بَـــعَـــــد لَوْ

ابسلف مکتض اعیش و بین الأحباب

لاکِـــــــنّی ابْــــــــخَیـــــــالـك دایِــــــــــح ابْـــــــدَوْ

كَمُطْـفِـــــل نـــــــوگ لـــــوبـدرك عَلَىْ غــــاب

اَصْنـــــع بَـــــوْ طيـــــوفك واحضــن الــــبَـــوْ

بِـــــلاك اوْیـــــاك اخــلـــص ذايـــب وشـاب

إذا تبـــــعـــــــد تـــشــبــنــی ابْفَــــــرْگِــتَــــك،أوْ-

إذاتِجْبِـــــل اذوب ابْـــــريــحـــــــك الهــــــاب

کَــــشمـــعــــه البــــیــــها شعـلــــــةْ زَفَّــــه خَـلَّوْ

حـــــرت بيـــــك ابلمستك گلبي ينــــذاب

مِثِــــل قـــــالب ثلِـــــج من يلمس الضَّـــــوْ

واذاتبعــــــدامــــــوت ابحــــرگتــــــك گـــاب

مِثِـــــل نَیْــــــزَكْ فضـــــــاء الیــــدخـل الجَّوْ

ك:محمدابوعمارالحزباوي