صاحبي الـ واصلته ظن بيَّ الهوان
وْمن اجيته بْشوگ ظن معتازْلَه

اشگد خطيه وهٰكذا يْعيش بْظنون
مادرَى بْگلبي النّجوم تْغازْله

والگمر يتمنَّى يحضنّي ويموت
والشمس لَاحضاني عشقًا نازله

آنَا صح ابن الأرض وامشي عْلى گاع
نفسي لٰكن بالفضاء وعازله

لوقميص املك اشگ ذاك القميص
طابخ اگليبي ابــ إبائي وبازله

لوبشت املك اشگ بشتي الوحيد
لواحس بْمنَّه غازل غازله

هذا لاواللّٰه ابد ماهو غرور
بس دليلي الذل ابد ما جازله
استغفرالله...
استغفراللّه حتى لواللّه بْوصال
مَن عَلَي عنّه انفصل ما واصْلَه

ربّي غفرانك عَلَي وانتَ العليم
منّي زلّه وْياك ابد ماحاصله

لٰكن انتَ تشوف من بعض اللئام
عندي صارت للمناخر واصله

اصويحبي الـ چان بْوضع هالك غريج
وگلبي لْقعر المهالك غاصْله

من تلاحگته ووصل برالأمان
بيَّ طعناته غَدَت متْواصْله

محمدابوعمارالحزباوي

2018م