|
مـــــــــــــیناء القـــــــــوافی محمدابوعمارالحزباوي
| ||
|
الـورده نثـرت طیـبها وطاب الهــواء والنــدی الولهــان شــم اعطــورها
والنهـرلامــس مصـابیــح الفضـــاء ورگصت الموجه ابحــضن ناعــورها
غـرد البلبــل طـرب باحلی الغنـــاء و سلطن الشجره ورگص عصفورها
اللیـله ثاگب نـورها انجوم السمـاء والشمس بـاللیــل ساطـع نـــورها
النـاس کلهـا اتسائلت ما هــالضیـاء وشــنهو صــایـرنــور نــوّر دورها
یــاالهي شنهو ســر هــذا البهـــاء وشنهـو سـراللیـله کثــره بــدورها
بشری بشری امن السماجـاء النـداء بشـری للأرض وبحــرها و طــورها
بشری بشری الناس من بعد العـداء ایســودها الحـب ومحبـه اتــدورها
اللیـله سعــدالکون والدنیـا ابهنـاء والأرض جــاها السمـــاء ایــزورها
مکه من حضنت گمـرباهي السنــاء نـــزلــت المکــه الجنـان وحــورها
والملائــك نــزلت وطـاب المســـاء اتهنـــي والفرحه انـتشرمنشــورها
کــل دروب المظلمه وبیــها ابتــلاء طـاها شــع نــوره ودرع دیجــورها
ابفتـحت اعیـونه محمــدربــه شــاء وزلــزل الأوثــان طـراظـهــورهــا
ابمـعــجــزة میـلاده خیرالأنبـیـــاء قلعـــة الظـــلام هـدّم ســـورهــا
محمدابوعمارالحــزباوي
الملصقات: القصائد [ 2016/12/12 ] [ 12 ] [ ]
اذاتمطــــرعــذابــات ومئـــآســي السیاسـي ایغیـب مایظـهریـواسـي
لاکن لــو وصـل وکت انتــخابــات سمانـااتگـوم بـس تمطرسیــاسـي
طبـعا للبـعــض کـاتب هــالابـيــات وماأعنـي البـشرکـلهـم ســواســي
أعــني اللي ایتـعلی ویـرکب المـوج ویماسي النـاس وایشکــل أمـاســي
یدگ باب الشعب وایجـدي الاصـوات ویظل بیــن الخلگ یخطب حمــاسي
خطب رنـانه کـاتــب نصها له ابلــیس وتـعیــدالـراح فی الوکت القیــاســي
یقســم بالشـرف يتحـدى الأخــطــار ويگـطــع إیــد تـمـتــد المســـاسي
لاکن لـونجــح یـنـــسی الشعــارات ویظل عــن العهــد دایــم ینــاسـي
ما یفلـح بـعلس العـالس احگــوگ لاکن دوم فـالـح بــإعـتـــلاســـي
صـرت سلم صعوده ومن صعدفـوگ رفـس چتـفي وعلي هـدم أســاسي
وطحت،،، لاکن گمت للصالح العــام التمستـه وظن ضعف عنـده التـماسي
ورجـعت الدفـتـری و صغت العبـارات إلی المیـت ضمیـره ابکـل حـواســي
وصـدح صوت القلــم واتعدی الآفــاق انصـت زیــن واسمـع...یاسیــاسـي!
طبـعــا شاعــرآنا امـرایـــة النــاس وآلام الشعـب تــبــقى انعکــاســي
اذا رایـد تشـوف انظـرلي واتشـوف الـك صــورة شعب عـاکس لنــاسي
شعـب یاکـل بطـاله ویشرب امـراض ویشـم ریـحــة قــذارات الکــراسـي
شعـب یشهـگ عـذاب ویـزفـرآهــات ونهـدته اتــذوب اگلــوب الــرواسـي
شعب لاکـن عـزیــزابـرغــم الجـروح ویظل شـامخ کـنخلــه ابـأرضه راسي
وبعـدانظــرلروح الصــوره واتشــوف صـورة نـاس من عدها اقــتبــاســـي
صــورتــهـم تگـلــك لــوردت صــوت أنـعـس روح لایــخــرب نــعـــاســي
لاتــجــبــل عـلى واتـــعـــاود اردود غبـار انـت ونفضـتــك مــن لبـاســي
راجعـلي ابــوقاحـه ابیاوجــه جــای؟ وساهمت ابگطـع ریـعي ویـبــاســي
ردت أحیـیـك وانت المــوتي مسعــاك وردت أرقـیــك واتـريـد انتـكــاســي
أناالقصرالـرئاســي وبابــی مگفــول ومفـاتيحي ابگـلب ناسـي التقـاســي
ولازم يفتــح اگـلـــوب المـــلایــیــن الـرایــد یــوصـل القــصر الـرئـاسي
خلص وكــت امتحـانك هــاك الاعــلان اطلعت مرفـوض في الفصل الدراسي
جوكرمحتـرگ صــرت انت مکشــوف وانـا الفنــان في لعـب الســداســي
آنا الكـون لبــسي وإنــت مسـكيـــن وصـلـة خـام منـتــه ابگــد مقــاسي
شعـب آنـا وحضــاره التنـجب انجــوم وشمس وأقمـار،شنـهوانت النحــاسي
مـداسي امن الذهب وامرصع المـاس ومـاتـرهـم شـسع حتی ابمــداســي
حقیـرانت وکبــرت ابــراسي واردود- ازغـرت ،واردود ماتکبــر بــراســـي
محمد ابوعمـارالحــزباوي الملصقات: القصائد [ 2016/12/11 ] [ 7 ] [ ]
یـکارون انظـراطیــورك بكنـ عان عليــهن حيـل وابحرگـه بـك انعان تـفـطــرگــلب برحيـتـك بكنعــان ابجفــاك وطـرفــؤادالـخــزعليـه ـــــــــــــــــــــــــــــــ محمدابوعمارالحــزباوي الملصقات: الأبوذیه [ 2016/12/8 ] [ 7 ] [ ]
اذاتملـك لـقارب بیــعه قــارب صیــدك لن بشطـك بیـع اقارب صبح بیت الأقـارب بیــ عقـارب تلدغـك من تگـربه ابطیـب نیـه
محمدابوعمارالحزباوی الملصقات: الأبوذیه [ 2016/12/5 ] [ 7 ] [ ]
خفتت اصوات الريـاح وهجعت ابحضن السكيــنه ونامت اعیـون الدروب وغمضت اعیون المدینــه
والنجــم هده النعاس ونــام بـ احضـان المجره والندى اشتـاق ونزل بوسات عـ الورده ابحنینه
والشواطی الشوگ هزها وداعبت جنح النوارس لیـلة العشــاگ گمـره امسامـروکلمن قریــنه
کــل محب واصل حبیبه وکل ولف جالس ولیفـه وآنا من دونــك غـریب الغربه مرسومه ابجبـینه
ناحل اتوسد حسرتی ووحــدتی و لوعة غیابــك وافترش همی وحرگتی وروحی لطیوفك رهینه
اشلون ماشوفك وعاین وانت ضی عینی ونظرها اشلون اتنـفس بـلاك ونفسی بـ انفاسـك عجینه
بـ الگلب روج اشتیـاقـك هاج لـد ساحـل خیـالی وهایمه اببحـرالمـواجع روحی لك مثـل السفینه
شابه ابروحی العواطف والحنین ابجسمی لاهب نـارتـاکل بــ الحنـایا وگـلبـی بس الله الیـعینه
شایل اجروحی على چتفی ودایح بوادی الممالح واعثـرابنسمـة هـواك و بالملــح توگـع دفیـنه
عـ الدرب شاتل فؤادی وفارش الوصلك مهجتی شاعــل ابدربك نواظر زیتـها انغامی الحــزینـه
تعــزف آلامی الوصــالك وآنا لك ونه ابعظامی آه مرحط چف خیالك عــ العظــم واسمع ونینـه
ك.محمدابوعمارالحزباوی الملصقات: القصائد [ 2016/11/27 ] [ 10 ] [ ]
|
||