|
مـــــــــــــیناء القـــــــــوافی محمدابوعمارالحزباوي
| ||
|
الجنّه بغيابك سجن بيها الگلب ظامي انسجَن والقيود اوياك تسْعِدوالسجن جنّة عدَن
لوتفارگني انتَ لحظه لحظة افراگك قرون والقرون ابگربك اتمركَـالثّواني وينگضن
عنّي غبْت وگمت الوي اعليك لويات الفطيم وداعتك لم أهدَا لحظات ابغيابك واهدَا لن
ثوبي احسَّنَّه چفــن بعدك وَأنَا ابطيّاته اسير حي تظـن النّاس لٰكن ميّت وأمشي ابچفن
مثل زبده اگبال موگد ذايبه الروح اللقاك ومثل رنّ اوتارعود ابشوگ الك دلالي رن
صح ملك نفسي آنَا طبعي وشعبي دگّات الدّليل بس بدونك لاشعب ظل عندي لا أملك وطن
ارجب الدربك يغالي ابلهفه وابدلّالي نار والنواظرمن هبوب ارياح طيفك غورگن
وينك انتَ ابيا نويّه ابيا أفق وابياسماء الشوفتك گدمايبحرن خلصن اعيوني وگضن
طيفك ايداعب خيالي ويلمس اوتارالفؤاد ماأشوفك بسّ اشوفك عندك اعيوني اختفن
مرّه اشوفك بالحديقه زهره زهراء الجمال ومرّه اشوفك بِـالمَجرَّه نجمه سرّاقة وَسَن
حيناً اتغازل عيوني ابغمزه كل ومضة ضياء وگلبي بيك احـيان والشهگات يـرتفـعـن معـاً
اشماترفّ الروح الك اركب على اجناح الخيال واشبگ اطيوفك واطير الخارج آفاق الزّمن
آنَا مـوعـودابـوصالك وانَا نطفه ابظهــرابـوي روحي تتْهَنَّى ابلقاءَك حتّى لو جسمي اندفن
ك.محمدابوعمارالحزباوي
2015م
الملصقات: القصائد [ 2018/4/2 ] [ 15 ] [ ]
شمس اللّٰه
مثِل جودالشّمِس عَالدّنياجودي ضريرالماكسب ضَي مِن وجودي
ربح كلمن سعَى الگربي وكسب نور وخسركلمن مشَى ابهجري وصدودي
الفلك مجلس نجومه ابدوني تعطيل لِذٰلك يرتقب لحظة ورودي
ابْرياضي امعطّره اجواء الحضارات ومختنگه العلوم ابلا ورودي
العشگ والشّوگ زرعي الخدمة النّاس وقواميس الأدب ثمرة جهودي
العواطف والشّعِروالرّق والاحساس والفن والنّغم طلقة جنودي
ابسوگي المزدهرمزدهره الاسواگ ويصيبه افلاس مَن يسعَى الرّكودي
عموداللّه خلقني امثبّت الكون ويطيح الكون لويختل عمودي
نهرجاري ابلطافه وقوتي تزداد ابغضب هدّام لوتكبرسدودي
أناالعرْبي الرّقيق المشتعل شوگ البني الإنسان والأَصْمَعْ* وقودي
العَلَي يجبل مُحب بعيوني الَه افراش وتكيه اچتافي الَه وحضني وزنودي
حبيبي اللّه ولساني الوصله معراج وجنودابليس ماتمنع صعودي
ابحواسي الخمس اعانق ربّي كل يوم خَمِس مرّات وايجدّدعهودي
مسلم عرْبي باقي وودّي للناس جميعاً والإنِس والجِن شهودي
أنَا الحرالطّليق اتحبني الاحرار وعبيدالتّفرح ابسجني وقيودي
بلْساني العَذِب كلّمني اللّٰه لذٰلك عايش ابنارالحَسودي
اظل شمْس اللّه دوم ابقدرة اللّٰه من المشرق إلى المغرب حدودي
إذا انامن جميع العالم اتنام رقودالدّنيامرهون ابرقودي
صامت صامدوماهزني اعصار وْلِغيراللّٰه مايرهم سجودي
حاربني الزّمان آلاف الاعوام وْبِحَوْل اللّٰه للمحشر صمودي
ك.محمدابوعمارالحزباوي
2018/3/27م
*الأصمع=القلب
الملصقات: القصائد [ 2018/3/28 ] [ 14 ] [ ]
|
||