|
مـــــــــــــیناء القـــــــــوافی محمدابوعمارالحزباوي
| ||
|
صب يامطر صب واغسل اغصان الشجر صب واغسل اذنوب البشر صب موولك حتى النهر من العطش گلبه انفطر صب واغسل اگلوب البشر...صب يامطر مات الغرام ابغيبتك انداس الوئام وماعدل نفسه وگعد وازدهرت اسواگ الحقد واخضرّت اشواك الفتن والجهل رد عهده ورجع والنور بغيابك تحت خُبث البعض حيّ اندفن شالت جراحات الأرض واتعذّبت والطين من نارالحقد بركان صارومن لهب قهره انفجر...صب يامطر
صب يامطر بعض البشرعزفوعلى اوتارالفتن ورگصو على انغام النفاق وكيّفو عمياني گايدهم جهَل وبلافكر تبعو شياطين الظلام الوسوست واگلوبهم من الحقدمثل الليالي العسعست سوده وجماجمهم مِنَ ارجاس الحقد مثل الجروح العفّنت وايغيضهم زهوالرياض الورّدت واتكيدهم فرحة بلابل غرّدت واتشوفهم من يزدهرروض السّعَد بيهم تدبّ النايحه ومثل الخيول الضابحه من ينتعش سوگ العشگ بيهم تصيح الصايحه لوشافواطيورالسعدحطّت بَارض بيهم تهيج اوجاعهم صب يامطر بعض البشرمتعفنه غذره اطباعهم امراضهم لوفتّحت مثل الورد ضحكة طفل واوجاعهم لوعشعشت طيرة وئام وفرّخت وتسوؤهم لونزلت امطارالسعاده اعلى البشر...صب يامطر صب واغسل اگلوب البشر
صب يامطر كت ابجود ازداد الگطع بينا ونشف نهرالجود فرعون رد والسامري ايبلغ نشوفه النمرود غربان حطت بالسلف ومحصول فلاح السلف كله انتلف انداس الورد والريحان انباگ العنب وانباگ كل الرمان وابن البلد شفنا يعزِّب للغرب عالبستان واعريبي بالحرثه انكتل واسوادي عاف الأجنبي وصوّب تفگته الصيهود صب يامطر صب يامطر صب واغسل اگلوب السود
صب يامطرنعمه انت من ربّ الكون يالريحتك لمسة سماء وللوگع ضاعف عون صب يامطر كسّرحواجزكارون صب موولك ليلى امْرِضَت بالعامري صب موولك ليلى اعطشت بالعامري ذبلانه من حرّ النوى وتچويهانيران الجوى مطروحه بفراش المرض واعيونها اربيه اعلى جيّت مجنون وذابحها من كثرالشَّغَف سيف القهر...صب يامطر
صب يامطريالبيك ريحة يونس صب صَبّتَك بالوحشه أُنس ومونس صب يامطر يالبيك لمسة عيسى صب يامطر خل يطفح ابزودالنهر يحمل طفلها وبي تسرّ أم موسى صب يامطر صب موخلص صبره وجزع حتى ايّوب صب يامطر واحمل عطريوسف دوا وخل يشفي ناظر يعقوب صب خل محمدعالبشريضوي انوار ومن نوره خل يرجف هُبل خوف وتظل تتراجف وتطفى النار
ك.محمدابوعمارالحزباوي 2017 الملصقات: القصائد [ 2018/2/18 ] [ 15 ] [ ]
|
||