|
مـــــــــــــیناء القـــــــــوافی محمدابوعمارالحزباوي
| ||
|
سبحان ربّ الذي بيك أعرج وأَسرى وقيّد قلــوب الخلگ بمــْحَبِّتَك أَسْرا
حبّك محمّدشعَل روح الشّمِس والنّجِم ونصين گلب السّمَاانشَگ وانشطربدره
كل الملائك اِلَك عتهاوجذبهاالهوى وجبريل هزّه العشِگ ليك وحزم أمره
إنس وطيورومَلَك سخّرْهَا ربّ الفلك وبيت العناكب اِلَك حاكتّه يَد قُدره
كل المعاجزبدَت وَيّاك من مَوْلِدَك مكّه ابليالي بقت مثل الصّبح گمره
ابفتحة عيونك كَأَن بالكعبة هَزّةْ أرض اتزلزل منات وهُبَل شي خافي طرظهره
جيش ابرهه وأبرهه من الوجودانمحى ونارالمعابدطفت واثْلَجَّت الجّمره
ابميلادك اتزّلزلت تحت الطغاة الأرض وكل طاغي اببعثتك ظل عبره من ذكرى
صادق أمين وكمل في دعوتك منهجك وتاريخ خيـرالأُمَم أسَّسْتَه بالهجره
ايعيش ابْهَوان البشرچان وشراذم أُمَم وسيف الطغاة ابظلُم سافريحزنحره
والنّاس من اقْبَلِت انتَ احتياها الأمل حامل لكل البشرفي بعثتك بُشرى
هبّت لذالك إلك غرب وجنوب الأرض وشرق وشمال ابعجل سارت الك تَتْرى①
حتّى ابْعِداء الأمِس چانت تعيش وحقِد ابخيمة هــواك انجمع ودْها وصفت أُسْرَه
وحَّدهَاضَيّ العدِل والفها نورالهُدى بالدّنيا أُوُلَى غدَت والأُوُلَى بالأُخْرى
مهما يضكها الزّمن تبقى ابْأمل أُمّتَك وتقرأ تظل بالعِسِر بعدالعِسِر يُسرا
وكلمايعودالجّهَل ليله ويجيب الحَلَك يسطع گمرمنهجك واتشع شمِس فَجره
شجره الحياة وعَذِب من اللّه انتَ ونَهَر- -جاري ونبع دَعْوِتَك ظل ساقي للشجره
مولاي عُذراًالك لوبالوصُف قصّرِت وصفك عجزشاعرٍ مايرقى الك شِعره
شاعرواجيدالوصُف وابوصفي ارگص الشّمِس لكن خذلني الشّعِروالكلمه محتضره
يرجف بديّ القلم لواريدن اكتب وصُف عنّك يَـ طاها ويجِف كل الشّعِربحره
وكل شاعرالوصّفَك قط ماوصل ذرّه الك إنَت البحروالبشركل وصفه الك قطره
ك.محمدابوعمارالحزباوي 29ذي الحجه1438 2017م
①تترى=تباعاً الملصقات: القصائد [ 2017/9/22 ] [ 1 ] [ ]
جيش الوحوش ـــــــــــــــــــــــــــــــــــــــــــــــــــــــ
صهيوني وصليبي ونطفة ابليس ومنافق منكشف من ناسه منبوذ①
دارَوْعالخلايگ حلقة اوحوش وكمل جيش الوحوش ابفعلة البوذ②
حاطوْ عالبشرمن كل جِهَه وصوب واحدهم يريدالدمهم ايحوذ
ماعدهم ذَنِب بس كلْمة الله ورصاص اللهُ اكبرخارق الخوذ③
كل مسلم شريد امن الظُّلُم هام ياربْ بّيك من شرخلقك ايعوذ
مظلوم ابدياره وحگّه مغصوب مسحوگ الكرامه وتعبه ماخوذ
شَبيه الطيرطفله ابحضنه مذبوح ويريد ايطيرلٰكن جنحه مقذوذ④
الهي اقصم ظهَر كل طاغي جبّار الهي انصرضعيف ابسدك ايلوذ
الهي ارسل بحورك تنصرالناس ورياحك تنتقم للراسه مجذوذ⑤
ك.محمدابوعمارالحزباوي 2017/9/7
①منبوذ=مطرود ②بوذ=بوذيين ③خوذ=جمع الخوذه ④مقذوذ=مقصوص ⑤مجذوذ=مقطوع
الملصقات: مقطوعات [ 2017/9/10 ] [ 0 ] [ ]
صباحك نور
صباحك نوروالشمس ابهواها الك نزلت تقدملك ضواها
بدروبك بلابل غردت شوگ وزهورالحب الك فوّح شذاها
الك طاب الهوا ونسّملك اشتاگ يناغم گذلتك يرگص معاها
نزل لخدودك الحلوه الندى ايريد يداعبها ويشاركها ابنداها
وشعاع النورگاصدعينك وجاي يغازل نورها وضيها وسناها
البسمه اشتاگت الشفتك يَمَزيون تريداتنول من شفتك بهاها
الك دنياك دارت والمدارات تقدملك بما تملك يداها
تبسّم والسعاده ابحضنك اتطيح وحياتك بالهناايرفرف لواها
ك.محمدابوعمارالحزباوي
30/8/2017
الملصقات: مقطوعات [ 2017/8/30 ] [ 9 ] [ ]
واويلاااااااه
وايلاه ﺗﺒﻌﺪﻋﻦ ﻋﻴﻮﻥ ﺍﻟﻨﺎﺱ ﻣﻦ ﺍﺗﺨﻨﮕﻚ ﺍﻟﻌﺒﺮﺍﺕ؟
ﻋﺰﻳﺰﺍﻟﻨﻔﺲ ﺗﺒﭽﻲ ﺍﺑﻬﻴﻢ ﺧﺎﻳﻒ ﺷﺎﻣﺖ ﺍﻳﺴﻤﻌﻚ؟
ﺭﺍﻓﻊ ﻫﺎﻣﻪ ﻧﺤﻮﺍﻟﻠّﻪ؟
ﺗﺸﻐﺮ،ﺗﻨﺘﺤﺐ ﻭﺍﺗﻨﻮﺡ ﻭﺣﺪﻙ ﻓﻲ ﺭﺣﺎﺏ ﺍﻟﻠّﻪ؟
ﻭﺍﻭﻳﻼﻩ
ﻳﺎ ﺯﻫﺮﺓ ﺟﻨﺎﻥ ﺍﻟﮕﺎﻉ
ﻳﺎﺁﻳﺔ ﺣﻨﺎﻥ ﺍﻟﻠّﻪ ﻛﻒ ﺩﻣﻌﻚ
ﺭﺑﻚ ﻧﺎﻇﺮﺍﻋﻠﻰ ﺍﻟﺤﺎﻟﻪ ﻭﺍﻳﺴﻤﻌﻚ
ﻳﺪﺭﻱ ﺍﺷﺒﻴﻚ ﻭﺍﺷﻤﺎﺑﻴﻚ
ﻳﺒﻌﺚ ﻫﺎﺗﻒ ﺍﻳﻨﺎﺩﻳﻚ ﻭﺍﻳﻨﺎﺟﻴﻚ ﻭﺍﻳﻨﺎﻏﻴﻚ
ﻭﻳِﮕِﻠَّﻚ ﻻﻳﺒﻌﺪﺍﻟﺮﻭﺡ ﻻﺗﺒﭽﻲ
ﻭﻏﻼﻭﺓ ﺟﺪﻣﻚ ﺍﻟﺤﺎﻓﻲ
ﻭﻏﻼﻭﺓ ﺭﺍﺳﻚ ﺍﻟﻌﺎﻟﻲ
ﻭﻏﻼﻭﺓ ﭼﻔﻚ ﺍﻟﺪﺍﻓﻲ
ﻭﻏﻼﻭﺓ ﺩﻣﻌﻚ ﺍﻟﻐﺎﻟﻲ
ﭼﻒ ﺭﺑﻚ ﻏﺪﺍً ﻳﺮﺿﻴﻚ
ﻳﺴﻄﺮ ﻛﻠﻤﻦ ﺍﻣﺄﺫّﻳﻚ
ﻭﻳﺘﺤﺎﺳﺐ ﻋﻠﻰ ﺍﻵﻩ ﺍﻟﺘﺠﺮﻫﺎ ﻭﺣﺴﺮﺗﻚ ﻭﺍﺣﺰﺍﻧﻚ ﻭﺩﻣﻌﻚ
ﻙ . ﻣﺤﻤﺪﺍﺑﻮﻋﻤﺎﺭالحزباوي
الملصقات: مقطوعات [ 2017/8/28 ] [ 8 ] [ ]
|
||