|
مـــــــــــــیناء القـــــــــوافی محمدابوعمارالحزباوي
| ||
|
یا شـــــــیطان
یاشـــیطان اتبعد عـــنی اورد لاتگــــرب واتحاچــــینی لتظــن اقبــل امشـی اویاک اوبــدروب الغــی اتــودیـنی آنه الماشــی ابمنهــــج طاهـه اومـاأرجعـــلک لتــنادیـنی وآنه الأعـرف غـدرک وادری ابحقدک تهدرکـل اسنینی ابسبابة مکـرک تشـّــرلی اوبس اوصلک تفگـس عـینی انته التکـتـل بیه الفــرحه ابلیــلی اومصباحی اتـواسـینی وانته ابکاسک تشرب دمی اومن جربة مکرک تسگینی مهما تخـــدع مهـما تلمــــع لمعــــة کـنـــزک ماتعـمـینی اومهما تضحک واتضحکنی اومهـما تنحـب واتبچّــینی ماتگـــدر تجــذب عاطفـتی اشمــا تتحایـــل ماتغـــوینی آنه المَـهدی ابنـــورالدیــن اوربی ابدرب الحگ هـادینی وآنه العاشگ طبـــع السمــره ابغمـزة بیضک ماتغرینی چفـــیتی ابعفـّــه اتـغطـینی اومن حَـــرزلاتک توقـــینی ماریـــدن تاجـــک یاماکـــر تاجـــک بي ناراوتصلـینی آنه العاشگ جذع النخله اوعاشگ نهری اوعاشگ طینی وآنه المفتون اببّرحیتی ام ریـج الحالی اوعـنبی اوتــینی مــاریـدن بستان اکنـــوزک وابکــل ذهبک ماتـــرشینی آنه الخاضع بس الربی اوراضی ابــرزقه اشما یعطینی مهـما تبــــرُم مهـما اتحـــوک اشمـــا تتجــبرماتـلــوینی ماطخـــنلک مااخضعــلک ماارکـعـلک وابقی ابــــدینی
محمدابوعمارالحزباوی الملصقات: القصائد [ 2013/6/21 ] [ 9 ] [ ]
وصـــل وکت الصـــلاة اوحان الاذان اوصِـــدَح صــوت المــؤذن بالمــناره ولاواحـــد وصــل حسباله طــــرشان رســـل طــارش لگه الـــوادم سکاره محمدابوعمارالحزباوی لمشاهدة النشر الجدید فی دیوان المیمراضغط هـنا الملصقات: ومضات [ 2013/6/15 ] [ 15 ] [ ]
یاخساره یاخساره الدنیا دارت والهوی اتغیرمساره اویاحسافه الوکت داراودارت الأیام بینه اوگام دولاب الهوی ایعاکس مداره اوبالعکس صارالزمان ابلیله مضوی اودامس اومظلم نهاره اوغرد ابحینه الغراب اونطرب الصوته ابإثاره والبلابل تنعب ابصوت النشاز اومنها نهرب کل شخص یبدی انضجاره آه یادنیا العجــیبه .آه وافعالچ غریبه واحنا ظلینه ابمصیبه ابلافکرنمشی اوحیاره نترک الدره الثمینه اوننجذب صوب المحاره اوینرفض حچی الفهیم الدومه واعی اوینقبل حچی السکاره یاخساره اویاحریمه العشگ مات اوخلف آهات اومراره اوألف وسفه الشوگ صارابهل وکت ربح اوخساره اوخِوّة الوادم صفت سلعه اوتجاره وابدکاکین النفاق انباعت ابأثمان بخسه اودارت ابسوگ الدعاره وابطریق الشوگ خضرشوک خِسّه اوحسچ حیله اومکرواریاء اوحقاره والرفاگه اتحایلت تسحگ بعضها والسحگ خله اوتعده انگول ماهر والغدرصبّح شطاره والحِضن شوک المئاسی اوعَبّراصحابه اعله چتفه ینهجی ابأرذل عِباره والبخیل الماکرم مره ابحیاته اوبالبخل شیّدعماره عنه کل الناس تحچی اتگول هذا الیمتلک فن اومهاره والکریم الیطعم الجوعان دومه اووزّع امواله ابسخه ابّین الفقاره ماله صاحب من یطیح ابّــین ناسه اشما یریدایگوم ینطگ ابحجاره یبگه وحده ابلاحبایب تبتعدعنه الرفاگه اوتشمت ابحاله الگرایب والمصایب والنوایب دهره یجمعها اوعلیه یحکم حصاره وسفه هیچ ایصیربینه اومانفک أسرالکریم الماسعی الجاه اوکباره یاخساره والحقاره التملک اقصوراووزاره تـُـحترم بین العموم اوبالمجالس تندب باعلی الصداره والفقیرابهل وکت مذموم دومه حتی لونشمی اوکریم اویمتلک عــِفه اوطهاره ینحگرمن کل اخوته اوخِـلــّـته اوناسه اودیاره اوتهمل اعیونه اعله دولاب الوکت دم اتــّجاره یلعن الحظ الگعدوَیّه الحَقاره اومنچفی ابّاب الغیاره اویشتعل موگد دلیله اویستعرلیله اونهاره اوتسری الحِمّه اویه دمه اوجسمه یبگه امنل لهب طایر شراره یلتفت یمنه اویساره لاإخوالحن اوفزعله اولاربع شافوله چاره مایجد مای الیبرده اوبالعجل یاخذ قـــراره اویلتفت صوب الجگاره واهیه تفزعله ابإشاره اوتشتعل لجله ابجداره تدخل الریته الکئیبه اوبالدما اتداورعجیبه اوتوصل الگلبه اوتبرده اوتخمدابجسمه الحراره والله های اکبرمصیبه انعالج الداء ابجگاره یاخساره محمدابوعمارالحزباوی الملصقات: القصائد [ 2013/6/8 ] [ 21 ] [ ]
الدمع گــدما بقی ابعــــینی کللعیــن واگــــل گلبی الجسم صابه کللعیــن اعــــدّی اللـــــیل وانهاری کللعیــن الـــزمان الکبَّـــرالــــدونی عـــــلیه === ریـــح الشیب مــــوبهـــدای ورجای اونکت شجرة شبابی اونفض ورجای الک دعـــــوای یامعبــــــود ورجای تجنـــــبنی الطـــــریق البــــي ردیه === قطـــارالحــــیل مـــن گـــفه وذبنای تفاجئـــت ابگطـــع ربعــــی وذبنای متی ایغـــرِّد یـــــــردحظــی وذبنای الحـــزین الأثـــرابــــروحی الـرزیه === گطـــع جـدمی الـزمان اوسرت حیلا اوتعـــب جسمی اووگعت ابغیـرحیلا لـــون خـــل ماوگـــفلی اونشـد حیلا اخــــوتی اشلــون عافـــونی رمـــیه === احـــش ابــــزرع مأساتـــی ولفکــار اوطـــرد میَّت حزن صبری ولفکــار ابشرح قصتی الخلگ حارت ولفکــار عـجــــزت تــوصف اهمـــوم العلیــه === لفــانی الیــــوم بهمـــومه ومســراح ابعـنا اوللضّدصرت فرجه ومسراح قـــاری الکــــف گـعد یمی ومسراح ادَی اوگــــــــال عاقـــــبــتک أذیــه === محمدابوعمارالحزباوی الملصقات: الأبوذیه [ 2013/5/23 ] [ 21 ] [ ]
|
||
