جنون القُبل

ــــــــــــــــــــــــــــــــــــ

طـــــل عَــلَي مــــن الفَلَك مثـــل المَلَك     والشَّعَرفـــــوگ المَـــتِـــن طـايــــــرحـــلل

من ضياء اخدوده خجلانه النّجوم     ووجهـــه احـلا امــن البدرمـن اكمتــل

گتله اهــــلاً فيـــك يا نفسي وهـــواي     يـــامُهِجْتي وگلبـــي يانــــــــــور الأمـل

گــــــــال اهــــــلاًفيـــــك ياروح الفـــــؤاد     يافـــــؤاد الـــــــرّوح ياضَــيِّ المُــــــقَــــــل

ردت اسأله الحال بس قاطعني گال     عـــوف حالي وللقُبل ظامي اعتجل

رادبــــوســه وگتلــــه يَمْعَـــوَّد حــــــرام     احنــــــا صيّام ابشـــهـــرخيـــــــرالعـمــــل

گـــــال مُشــــــرك آنَامجــنــــون ابهــواك     جـــــاهــــل ومــعبـــــــوداَعِـــدَّك يـــاهُبَــــل

گتـــله بوسه اتريد؟مـــن بعــدالفطور     ضــاگ خلـگه وعافني ابلحظة زعـل

وهــل علَيّ ايسابگ اصــوات الأذان     گال هاتي البوسه واسگيني العسل

گتــــله اصبـــربــوستـــك بعـــدالصــــلاة     گــــال ظـــالـــم ليـــش حـارمنــي القُبَل

گتـــله تـــانـــي العيـد ياعيدي السعيد     وانـــتَ عــيـــديتــك قُبَل بــس مـــاقِبَل

وابتــــعد عنّــي ابــزعل وابسرعه عاد     واتّصـــــل ثُـــــمَّ انفــصــــــل ثُــمَّ اتَّصـــــل

وآنَااصـــدَّه وروحــي تتلاهب حنـين     وابصــدوده ايصــــيب دَلّالي الشّـــلل

وهْــوَ مـــن كثــــرالألـــــم يــــتْلوَّى گــــام     وانفـــتـــل مــثــــل المَــسَد مِـن انفـــتـــل

گـــــام ينظـــرصوبــي نظره اتهزجبال      نظــــره بيها المــوت واتجّـيب الأجل

گتـــله هَدّي اعصـــابك واجلس تعال     عـــوف بوسات الجَّهَل واسمع غــزل

خَـــلَّ اذَوْقَك طَعُــم رُطْبــات الخيـال     وخــلّ اغــرگك في عسل بحـرالرّمل

اغتاظ واعيـونه غدت تجدح شرار     وارْتَــعَـــش ثُــمَّ ارتَــعَـــــدثُمَّ انـــــفــــعـــل

هـــــاج مثـل المــوج لوهـاج ابجنــون     گـــام يلطـــم غيـظ وابغيــظه ارتجل

صـارنارامن الغضب وابحرگه صاح     الــرّاد مِنَّك بـــوسه من جَدَّه اشتعـل

ك.محمدابوعمارالحزباوي

2017/6/21