|
مـــــــــــــیناء القـــــــــوافی محمدابوعمارالحزباوي
| ||
|
هاحبيبي؟!
چنها نبرات الكلام اتغيرت وَيَّ الحبيب؟
وصايرابطبعك غريب ورَدَّة افعالك غريبه؟!
صايراحساب القريب اوياك يَمدلّل غريب؟
شنهوصاير؟
ليش عينك من تسولف باهت وباردلحنها؟
وليش ضحكات التّلاقي الچانت ابشفتك عفيفه اتجرّدت من العفاف؟
وليش وردات الشفايف چنها مبليه ابجفاف؟
لوتريد اتروح روح
روح واخذ الروح وانطيني الجّروح
خاف تاذيك الجّروح
خلها عندي اجروحي مِنّك، والجرح منّك جميل
حتى من تطعنّي اظل باسم معاك
وحتى لويرضيك قتلي امسلِّم وعندي المهم انتَ ورضاك
اضحك اضحك ياهَواي
حتى لوتضحك علَيّ الضّحكه بشفافك مُناي
ياهَواي!
يابَلاي!
لومعاك ولوبِلاك
لومعاي ولوبِلاي
آنَا من الشوگ ذايب وانتَ ذايب،صرنا ماي
لكن اسمع زين واعلم!
انتَ ورده وآنا نخله لوتغيب اسنين اتحمل غيابك واصطبررغم الحريق
لكن انتَ ابليله تذبل لوسحرواحدإجاك ومالمس خدّك نداي
احذَراحذَريامُناى
انتَ ماي وآنا ماي
وانتَ ورده وتدري صيف الشوگ لاهب والورد يخلص اذا مامرّه ماي
يعني رايد تنتحر لوعازم اتبطّل لِقاي
آنا طارق و انتَ يمدلل سماي
نارشاعلني هواك وثاگب اشواق ومحبّه وانتَ يمدلل ضواي
يعني من اتروح تقتل ضي وجودي وينخرب بعدك سماي
لكن احذر وانتبه يامُنيتي وشوگي وهواي وياضواي وياسماي لواخلّص من حرِگْتي وانتهي واطفا واموت
هم سماي ايموت بعدي وهم ضواي
ك.محمدابوعمارالحزباوي
2017/6/7 الملصقات: القصائد [ 2017/7/19 ] [ 4 ] [ ]
|
||