گلبی انگــفل

یل واگــــف ابّاب الگــــلب گـلبی انگــــفل رد لاتِــدِگ ابّــابی

ماینــفــــتح لجـــلک بعـــد حتلــــویظــل دمعک یصب سچّابی

اولولحظه احـــس لجلک یــــرج لوینحرج منک أگـَطعه ابنابی

القـاف اگــــفلنه ابگــــفل والـــلام اعــلگـــنه ابحـــبل صــلابی

والباء اخِنگنه ابوتـــرحـــته اتعــــرف منک غــــمیج اصوابی

اوحته اتعــرف کـلمن یحب یــوفی المحب مــوبس عهد چذابی

یل ماشفت منک وفه ابــدرب العشگ عـثـــره اوصرت کبّابی

آنه الحسبتک ماتِــزِل تالی اطلعــت عکــــس المِظـَن واحسابی

وآنه الگلت سیفک اظــل بعــداک اکــر وانته التظـل اگـــرابی

تالی اطلعت خنجرغـــدروابظهـــری رزّیت اوتهمت اصحابی

اوبل حرالک شجره صرت تسگینی اظن تالی اطلعت حطابی

اوچنت اعـتقدانته الوفی ابیوم اسمعت حچیک عَــذِب هـــذابی

غـــرنی العهد والسانک الناعـــم سحب گــلبی اوصبَح جـذابی

ثاریک موحیّة غـــدراعـــظم واشَــدعگــــرب صـبخ سحــابی

گلبی انجرح من لدغــتک وانته اتعَــرف گلب الجـریـح ایعابی

یَـل مانِـــفَع بیک الملح ماغــــزّر اویـاک اونکـــــرت اتعــابی

هسّه انکشف لعبک ولک ماحِن الک ماعِــدَّک امـــن احــبابی

لاتعتذرعـــذرک غـــدریسرک عـــسرحبّــــک طـــمع لهّـابـی

ردلاتـــدگ بابی ابتعد غــاد اشتمـــــرماتســـوا حــته اعـــتابی

بکتابی صح چنت الــورد بس الـورد مات ابجحـــیل اکـــتابی

محمدابوعمارالحزباوی