تانی اسمع اعتابی

یاغالی ردلاتصــــد تانی اسمع اعـــتابی

یرضیک اعـیش ابقهــروالشامت ابّــابی

غثنی العذول اوطحت

وآنه ابمحبتک صحت

ابسهم الشماته انصبت

ردعالج اصوابی

یاغالی لیش الهجر خبـــرنی بذنـــــوبی

ماعندی غیرک محب بس انته محبوبی

هجـــــرک یطرالگلب

اوملنی ابجفاک الدرب

واعیونی من دم تصب

لدروبک اترابی

محبـــــوبی کافی البُعِـد ماأحمل اغیابک

واسنــــینی مثـــــل الورد شاتلهن ابّابک

یاوسفه بعــدالـــــــوفه

تمشی ابطریق الجـــفه

رد وردة العـــاطفـــه

واغـــرسها بکـــتابی

ورده ابریاض العشگ واشتم شذی اعطورک

وآنه ابهواک احترگ شمعه اوأظل نـــورک

لولحــظه عـــنی تصد

عـودک طری اوینمرد

یاجــــوری تدری الورد

بس ینما بتـــــرابی

محمدابوعمارالحزباوی