|
مـــــــــــــیناء القـــــــــوافی محمدابوعمارالحزباوي
| ||
|
یغالی اتصد شجاک اتهاجــراترید؟ ادی اتمــوت دونک مهجـتی اتبـیـد
بعــدک ماگــلت کـلمــات الـوداع وطفح سیل النواظرغــرگ الجیـد
إذا"شیصیر بیــه وبعدک اشلــون؟ اظـل حی بین شمات وزغــاریــد
اتصــور غیـابک واحتــرگ شــوگ واکلمک بالخیال وحــرگتی اتـزیـد
واگلک ویـن ضیک یاضوه العیــن علی هــل یاگمـر ضوی المواعیـد
جفتنی الروح بعدک هامت اتطوف طوت کــل الفیافی وسکنت البیــد
هــم تدری ابغیابک حالتی اشلون؟ مثـل حـال الیتـیــم ابلیـلة العیـــد
مثـــل أم الیتــامه المـایشبعــون واهی اتمــوت حـرگه وخالیه الإید
مثـل حــال السمچ لوفـارگ المای مثــل حال الجـریح ابغیر تضمیـد
مثل نورس عطش بحضان کارون مثــل بلبل حــزین ابدون تغریــد
مثل لیلی السحنها افراگ مجنــون مثـــل عبله وحزنها العنــترالحیــد
مثــل یعقــوب ظل ابوحدته اینوح فگد ضی العیــون ویوسف ابعیــد
مثل أم موسی ابنها اببیت فرعـون تدری الموت وصله وتوصله اتریــد
هـــای الحـال لاکن لازم اتشـوف لواشرح عمر کــل شرحی میفیــد
علیک الــروح مثل الفاخـته اتنـوح وصل وکت الــرطب وابونها تنهیـد
محمدابوعمارالحزباوی الملصقات: القصائد [ 2016/7/2 ] [ 8 ] [ ]
|
||